વૈશ્વિક બજારમાં ક્રૂડ ઓઈલના ભાવમાં વધઘટ છતાં સરકારી ઓઈલ કંપનીઓ મોટા શહેરોમાં પેટ્રોલ અને ડીઝલના ભાવ (Petrol Diesel Price Today) માં કોઈ ફેરફાર કરી રહી નથી. સરકારી ઓઈલ કંપનીઓ દ્વારા જાહેર કરાયેલા દર મુજબ આજે પણ દિલ્હી-મુંબઈ સહિત દેશના ચાર મહાનગરોમાં પેટ્રોલ અને ડીઝલના ભાવ સ્થિર છે. ક્રૂડ ઓઈલની વાત કરીએ તો છેલ્લા 24 કલાકમાં બ્રેન્ટ ક્રૂડ 3 ડોલરથી વધુ વધીને 96.58 ડોલર પ્રતિ બેરલ થઈ ગયું છે, જ્યારે WTIની કિંમત પણ 3 ડોલર વધીને 90.55 ડોલર પ્રતિ બેરલ પર પહોંચી ગઈ છે.
પેટ્રોલ ડીઝલના આજના ભાવ
સરકારી તેલ કંપનીઓએ આજે (21 ઓગસ્ટ) માટે પેટ્રોલ અને ડીઝલના નવા ભાવ જાહેર કર્યા છે. આજે 3 મહિના પછી પણ પેટ્રોલ અને ડીઝલના ભાવમાં કોઈ ફેરફાર થયો નથી જે રાહતની વાત છે. છેલ્લી વખત 21 મેના રોજ કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટીમાં ઘટાડો કર્યો હતો. આ પછી દેશભરમાં પેટ્રોલ 9.50 રૂપિયા અને ડીઝલ 7 રૂપિયા પ્રતિ લીટર સસ્તું થયું છે.
દેશના ચાર મહાનગરોના આજના ભાવ
- દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર
- મુંબઈમાં પેટ્રોલ રૂ. 106.35 અને ડીઝલ રૂ. 94.28 પ્રતિ લીટર
- ચેન્નાઈ પેટ્રોલ રૂ. 102.63 અને ડીઝલ રૂ. 94.24 પ્રતિ લીટર
- કોલકાતા પેટ્રોલ રૂ. 106.03 અને ડીઝલ રૂ. 92.76 પ્રતિ લીટર
ગુજરાતમાં (Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.
ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે
| શહેર | પેટ્રોલ | ડીઝલ |
| અમદાવાદ | 96.42 | 92.17 |
| રાજકોટ | 96.19 | 91.95 |
| સુરત | 96.31 | 92.07 |
| વડોદરા | 96.54 | 92.28 |
આ રીતે જાણો તમારા શહેરના પેટ્રોલ ડીઝલના ભાવ
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.